|
For a' that, an' a that,
And twice as meikle's a' that,
The bonnie lass that I loe best
She'll be my ain for a' that!
Tho's women's minds like winter winds
May shift and turn, an' a' that,
The noblest breast adores them maist -
A consequence, I draw that.
Great love I bear to a' the fair,
Their humble slave, an' a' that;
But lordly will, I hold it still
A mortal sin to thraw that.
In rapture sweet this hour we meet,
Wi' mutual love an' a' that,
But for how lang the flie may stang,
Let inclination law that!
Their tricks an' craft haw put me daft,
They've taen me in an' a' that,
But clear your decks, and here's -'The Sex!'
I like the jads for a' that!
Poem Index
|