Altho my back be at the wa',
And tho he be the fautor,
Altho my back be at the wa',
Yet, here's his health in water!
O, wae gae by his wanton sides,
Sae brawly's he could flatter!
Till for his sake I'm slighted sair,
And dree the kintra clatter!
But, tho my back be at the wa',
Yet, here's his health in water!
He follow'd me baith out and in,
Thro a' the nooks o Killie;
He follow'd me baith out an in,
Wi a stiff stanin pillie.
But when he gat atween my legs,
We made an unco splatter;
An haith, I trow, I soupled it,
Tho bauldly he did batter;
But now my back is at the wa',
Yet here's his health in water.
|