|
O for my ain king, quo gude Wallace,
O for my ain king, quo gude Wallace,
The right king o' fair Scotland;
Between me and my Sovereign Blude
I think I see some ill seed sawn.--
*
Wallace out over yon river he lap,
And he has lighte dlow down on yon plain,
And he was aware of gay ladie,
As she was at the well washing.--
*
What tydins, what tydins, fair lady, he says,
What tydins hast thou to tell unto me:
What tydins, what tydins, fair lay, he says,
What tydins hae ye in the South Countrie.--
*
Low down in yon wee Ostler house,
There is fyfteen Englishmen,
And they are seeking for gude Wallace,
It's him to take and him to hand.--
*
There's nocht in my purse, quo gude Wallace,
There's nocht, not even a bare pennie;
but I will down to yon wee Ostler house
Thir fyfteen Englishman to see.--
*
And when he cam to yon wee Ostler house,
He bad benedicite be there;
* * *
Where was ye born, auld crookit Carl,
Where was ye born, in what countrie;
I am a true Scot born and bred,
And an auld, crooket carl just sic as ye see.--
*
I wad gie fyfteen shiling to onie crookit carl,
To onie crookit carl just sic as ye,
If y will get me gude Wallace,
For he is the man I wad very fain see.--
*
He hit the proud Captain alang the chafft-blade,
That never a bit o' meat he ate mair;
And he sticket the rest at the table where they sat,
And he left them a' lyin sprawlin there.--
*
Get up, get up, gudewife, he says,
And get to me some dinner in haste;
For it will soon be three lang days
Sin I a bit o' meat did taste.--
*
The dinner was na weel readie,
Nor was it on the table set,
Till other fyfteen Englishmen
Were a' lighted about the yett.--
*
Come out, come out now, gude Wallace,
This is the day that thou maun die;
I lippen nae sae little to God,he says,
altho' I be but ill wordie.--
*
The gudewife had an auld gudeman,
by gude Wallace he stiffly stood,
Till ten o' the fyfteen Englishmen
Before the door lay in their blude.--
*
The other five to the greenwood ran,
And he hang'd these five upon a grain:
And on the morn wi' his merry men a'
He sat at dine in Lochmaben town.
Poem Index
|